Ananas, sərt və tikanlı xarici qabığı və şirin daxili hissələri olan ananas ailəsinə aid tropik meyvədir. Tərkibindəki antioksidantlar, fermentlər və köməkçi birləşmələr sayəsində xəstəliklərdən qoruma qabiliyyətinə malik olan ananas həm də çox qidalı bir meyvədir. Bu birləşmələr sayəsində ananas həzmi dəstəkləyir, immuniteti gücləndirir, əməliyyatdan sonra sağalma prosesini sürətləndirir, iltihabla mübarizə aparır, artrit ağrılarını aradan qaldırır və arıqlamağa kömək edir. Saç, dəri və sümüklər üçün də faydalı bir meyvə olan ananas bişmiş və ya çiy halda istehlak edilə bilər.
Ananasın tərkibində xəstəliklərlə mübarizə aparan antioksidanlar var
Qida dəyəri yüksək olan ananas antioksidantlarla yüklü meyvədir və immunitet sistemini gücləndirərək insanı xəstəliklərdən qoruyur. Tərkibində orqanizmə oksidləşdirici stressin qarşısını alan molekullar daxildir. Oksidləşdirici stress, hüceyrə zədələnməsinə və zəifləmiş immunitet sağlamlığına səbəb olan qeyri-sabit molekullar ürək xəstəliyi, diabet və bəzi xərçəng növləri ilə nəticələnə bilər. Ananas ürək xəstəlikləri, diabet və bəzi xərçənglər kimi vəziyyətlərin riskini azalda bilən zəngin antioksidant mənbəyidir.
Ananas arıqlamaq prosesinə kömək edir
Tərkibindəki lif sayəsində ananas sizi tox tutaraq arıqlamağınıza kömək edir. Maddələr mübadiləsinə təsiri olan ananas piy əmələ gəlməsini azaldır və yağların parçalanmasını artırır.
Sümükləri gücləndirir
Ananasın tərkibində sümük sağlamlığında mühüm rol oynayan mis və manqan var. Mis osteoporoz riskini azaltmağa, manqan isə sümüklərin mineral tərkibini və sıxlığını artırmağa kömək edir.
Aysun Suleymanova
