ზაფხულის დასვენება დღეს მხოლოდ სანაპიროზე დასვენებას აღარ ნიშნავს. მოგზაურები სულ უფრო ხშირად ეძებენ ახალ გამოცდილებებს, თავგადასავლებსა და აღმოჩენებს, მათ შორის ზღვის სიღრმეებში. დაივინგის ტურიზმის ბაზრის უახლესი კვლევის მიხედვით, სათავგადასავლო მოგზაურების 65%-ზე მეტი აქტიურად ინტერესდება წყალთან დაკავშირებული აქტივობებით, განსაკუთრებით, დაივინგით.
აღმოსავლეთისა და დასავლეთის გზაჯვარედინზე მდებარე თურქეთი, რომელიც სამი კამკამა ზღვით არის გარშემორტყმული, ხმელთაშუა და ეგეოსის ზღვებში დაივინგის გამორჩეულ ადგილებს აერთიანებს. აქ ყველა დონის მყვინთავს შეუძლია დაუვიწყარი წყალქვეშა გამოცდილების მიღება.
თურქეთი დაივინგის მოყვარულებს მრავალფეროვანი ადგილებითა და უნიკალური წყალქვეშა სამყაროთი იზიდავს. სტუმრებს შეუძლიათ ნავიდან პირდაპირ ჩაეშვან ზღვის ულამაზეს სიღრმეებში, აღმოაჩინონ თუნდაც ისტორიული გემების ნარჩენები, გამოიკვლიონ გამოქვაბულები და კანიონები, დაკავდნენ კედლის დაივინგით ან ღამის დაივინგით. ამ ყველაფერს კი ემატება პროფესიონალური დაივინგის ცენტრები და გამოცდილი ინსტრუქტორები.
საუკეთესო სადაივინგო ადგილები თურქეთის რივიერაზე
თურქეთში დაივინგზე საუბრისას პირველ რიგში ანტალია და ზოგადად, თურქეთის რივიერა გვახსენდება. მაგალითად, რეგიონის ერთ-ერთი ყველაზე ცნობილი ადგილი კაშია, რომელიც მსოფლიოს საუკეთესო ათეულში შედის დაივინგისთვის მიმართულებით. აღსანიშნავია, რომ აქ ბინადრობენ ზღვის კუები სახელწოდებით - Caretta caretta, ზღვის ბინადარი სხვადასხვა სახეობის თევზები, ხმელთაშუა ზღვის სელაპები და წყალქვეშა მცენარეები.
ქაში ასევე თურქეთის ერთ-ერთი წამყვანი ცენტრია არქეოლოგიური დაივინგის თვალსაზრისით. ბესმის კუნძულის მიმდებარედ შესაძლებელია უძველესი ამფორების, ღუზებისა და სხვა ისტორიული ნივთების აღმოჩენა. განსაკუთრებული პოპულარობით სარგებლობს „დაკოტას“ გემი, რომელიც ხელოვნური რიფის შესაქმნელად ჩაიძირა და წყალქვეშა ფოტოგრაფებისთვის საინტერესო ადგილად იქცა.
აქ გამორჩეულ ადგილებს შორისაა კანიონი, რომელიც ცნობილია გვირაბის მსგავსი გამოქვაბულითა და მდიდარი წყალქვეშა სამყაროთი. აქ ასევე მდებარეობს ისტორიული დიმიტრის გემი, რომელიც მყვინთავების დიდ ინტერესს იწვევს.
ანტალიის აღმოსავლეთით მდებარე ალანია კი ტურისტებს დაივინგის მრავალფეროვან შესაძლებლობებს სთავაზობს როგორც დამწყებ, ისე გამოცდილ მყვინთავებს. აქ პოპულარული ადგილებია აკვარიუმი, ამფორების ტერიტორია, „მეკობრეებისა" და „შეყვარებულების“ გამოქვაბული, სადაც წყალქვეშა უნიკალური
