თურქეთის ოთხი სოფელი გაეროს ტურიზმის დეპარტამენტმა „2025 წლის საუკეთესო ტურისტულ სოფლებს“ შორის დაასახელა.
მუღლას აკიაკა, იზმირის ბარბაროსი, მარდინის ანითლი და ანტალიის ქალე უჯაგიზი - სწორედ ეს სოფლებია აღიარებული, რომლებიც ცნობილია საოცარი კულტურითა და მდგრადი ტურიზმისადმი ერთგულებით. შერჩეულმა სოფლებმა ჩინეთში, ჰუჯოუში გამართულ დაჯილდოების ცერემონიაზე საუკეთესო ტურისტული ადგილის სერტიფიკატი (Best Tourism Village) მოიპოვეს.
წინა წლებში საქარიას თარაქლი, ნევშეჰირის მუსთაფაშა, იზმირის ბირგი, შირინჯე და ანტალიის ორმანა მსოფლიოს გამორჩეულ ტურისტულ სოფლებს შორის მოექცა. ოთხი ახალი სოფლის დამატებით, თურქეთი გაეროს 9 საუკეთესო ტურისტული სოფლის სიაში მოხვდა.
აქიაქა - თავგადასავლების ადგილი
მარმარისის ჩრდილოეთით მდებარე მუღლას პროვინციის პატარა ქალაქი აქიაქა მწვანე მთებსა და ფირუზისფერ წყლების შორისაა მოქცეული. ქალაქის შუაგულში გადის აზმაქის ნაკადული, რომელიც მის მშვიდ ატმოსფეროს კიდევ უფრო ამაღლებს. ფიჭვნარებითა და ევკალიპტის ხეებით გარშემორტყმული ეს ადგილი იდეალურია აქტიური დასვენებისთვის — ველოტური, ქაითსერფინგი და საფეხმავლო ბილიკები აქ განსაკუთრებულად პოპულარულია.
თუმცა აქიაქა მხოლოდ თავგადასავლების ადგილი არაა — ეს ქალაქია, სადაც არქიტექტურული გონიერება და ესთეტიკა ყოველი შენობის ფორმაში იგრძნობა.
აქიაკა ასევე საერთაშორისო ქსელის Cittaslow წევრია, რაც კიდევ ერთხელ უსვამს ხაზს მის მდგრადი და მშვიდი ცხოვრების ფილოსოფიას.
Barbaros – ავთენტური გამოცდილებებისა და ნამდვილი სტუმართმოყვარეობის სოფელი
იზმირის ურლადან სულ რაღაც რამდენიმე კილომეტრში მდებარე ბარბაროსი ეგეოსის სანაპიროს ნამდვილ მარგალიტად მიიჩნევა. სოფელი გამოირჩევა ქვის ტრადიციული არქიტექტურით, ავთენტური სამზარეულოთი და ხელნაკეთობებით.
ვიწრო ქუჩებში მოსიარულე სტუმრებს შეუძლიათ შეამჩნიონ კარებზე გამოკრული წარწერა „Çat Kapı“ („დააკაკუნე და შემოდი“) — რაც ნიშნავს, რომ მასპინძლები მზად არიან გაგიმასპინძლდნენ ადგილობრივი კერძებით, მომზადებული ახლად დაწურული ზეთის, ბოსტნეულისა და სურნელოვანი მწვანილებით — და ეს ყველაფერი საკმაოდ ხელმისაწვდომ ფასად.
მხოლოდ სამი კილომეტრის მოშორებით იწყება ურლას ღვინის მარშრუტი, სადაც ახალი თაობის მეღვინეები და MICHELIN-ის გიდის რესტორნები ერთიანდებიან.
Anıtlı – მრავალეთნიკური სოფელი თავისი ისტორიული მემკვიდრეობით
ანითლი, რომელიც მარდინში, მიდიათის ოლქში მდებარეობს, კულტურების შერწყმის საუკეთესო მაგალითია, სადაც საუკუნეების განმავლობაში თანაცხოვრობდნენ სირიელები, მუსლიმები, იეზიდები და ქრისტიანები.
სოფელში არსებული მონასტრები, რომლებიც ჯერ კიდევ ადრეული ქრისტიანული ეპოქიდან არსებობს, დღემდე ფუნქციონირებენ და განსაკუთრებულ ინტერესს იწვევენ მომლოცველებსა და ისტორიის მოყვარულებში. ღვთისმშობლის ეკლესიაში დილასა და საღამოს მსახურებები, ორკვირიანი ცერემონიები და შობისა და აღდგომის რიტუალები ანითლის ნამდვილ სულიერ გამოცდილებად აქცევს.
სტუმრებს შეუძლიათ დაათვალიერონ მიდიათისა და მის გარშემო მდებარე სხვა მონასტრებიც — თურ აბდინის რეგიონში, რომელიც 2021 წელს იუნესკოს მსოფლიო მემკვიდრეობის საცდელ სიაში შევიდა.
სოფელში ტარდება მიდიათის საერთაშორისო კულტურისა და ხელოვნების ფესტივალიც, სადაც შეგიძლიათ დააგემოვნოთ ადგილობრივი კერძები — შავი ბარდის ჩაშუშული, ნუშის ტკბილეული და სირიული ღვინოები; შეიძინოთ ხელნაკეთი ნივთები და სხვ.
Kale Üçağız – სანაპირო სოფელ ლიკიის კვალდაკვალ
კალე უჩაღიზი, რომელიც ანტალიის დემრეს რაიონში მდებარეობს, თურქეთის რივიერას გულშია მოქცეული. „სასახლის სოფელი“ — როგორც მას ხშირად მოიხსენიებენ — არის მშვიდი, ზღვისპირა ადგილი, სადაც ვიზიტორებს შეუძლიათ ერთდროულად დატკბნენ როგორც კრისტალურად სუფთა წყლებით, ისე უძველესი კულტურული მემკვიდრეობით.
სოფელი წარმოადგენს შესასვლელ კარს ცნობილ ლიკიის ბილიკზე — გრძელმაშტაბიან საფეხმავლო მარშრუტზე, რომელიც ანტალიის სანაპიროს გასწვრივ გადის. აქედან მარტივად შეგიძლიათ გაისეირნოთ ნავით კეკოვას კუნძულზე ან ეწვიოთ დაძირულ სიმენას ქალაქს, ხოლო მათ, ვისაც აქტიური დასვენება უყვარს, შეუძლიათ აირჩიონ ყურეების ტურები ნავით ან კაიაკით.
კალე უჩაღიზის ისტორია საუკუნეებს ითვლის, რაც კარგად ჩანს მის ქუჩებსა და არქეოლოგიურ ნაშთებში.
