სტამბოლი, რომელიც თურქეთი-ს კულტურულ დედაქალაქად მიიჩნევა, კიდევ ერთ მნიშვნელოვან საერთაშორისო ღონისძიებას უმასპინძლებს. ეს არის „Global Design Forum İstanbul“, სადაც ცნობილი ხელოვანები და დიზაინერები შეიკრიბებიან. აღსანიშნავია, რომ მეგაპოლისს ამ მხრივ, საკმაოდ კარგად აქვს განვიტარებული ინფრასტრუქტურა, რაშიც შედის 41 საკონგრესო ცენტრი, 225 არტგალერეა და 27 უნივერსიტეტი, სადაც დიზაინის პროგრამები ისწავლება. შესაბამისად, სტამბოლი დიდი ხანია წარმოადგენს ხელოვნებისა და კრეატიული ინდუსტრიის მნიშვნელოვან ცენტრს. სწორედ ამის დამსახურებაა, რომ სტამბოლი ყოველწლიურად 20-ზე მეტ საერთაშორისო ხელოვნებისა და დიზაინის ღონისძიებას მასპინძლობს.
ფორუმი უკვე 15 წელზე მეტია ლონდონში, London Design Festival-ის ფარგლებში და Victoria and Albert Museum-ის მხარდაჭერით იმართება. ის დიზაინის სფეროში ერთ-ერთ ყველაზე გავლენიან პლატფორმად ითვლება.
ღონისძიება ოთხდღიან პროგრამას მოიცავს და მრავალფეროვან გამოცდილებას სთავაზობს მონაწილეებს. მისი ერთ-ერთი მთავარი მიმართულებაა „Placemaking“, რომლის ფარგლებში ისტორიულ ნახევარკუნძულსა და თოფქაფის სასახლის ტერიტორიაზე დროებითი დიზაინ-ინსტალაციები განთავსდება. ამ პროექტებში მონაწილეობას მიიღებენ უნივერსიტეტები და ადგილობრივი თუ საერთაშორისო დიზაინ სტუდიები, რაც ქალაქს ერთგვარ ღია ლაბორატორიად აქცევს.
პროგრამის კიდევ ერთი ნაწილი - „İstanbullar“ ქალაქის შემოქმედებით ადამიანებს აერთიანებს და საშუალებას აძლევს მათ სხვადასხვა ფორმით (ვიზუალურად, აუდიო და ტექსტურად) ჩაერთონ ფორუმში. ღონისძიება ერთიანდება თემის „Worlds in Contact“-ის გარშემო, რომელიც თანამედროვე სამყაროში არსებული გამოწვევების ფონზე დიზაინის მნიშვნელობას უსვამს ხაზს. ფორუმის ფარგლებში გაიმართება დისკუსიები, პრეზენტაციები და შეხვედრები ადგილობრივ და საერთაშორისო დიზაინერებთან და არტისტებთან.
აღსანიშნავია ღონისძიებები, რომელიც სტამბოლს კიდევ უფრო ამდიდრებს და ამრავალფეროვნებს. ესენია: İstanbul Biennial, Contemporary Istanbul და İstanbul Film Festival.
სტამბოლი არის ქალაქი, სადაც ისტორია და თანამედროვეობა ერთმანეთს ხვდება— აქ შეხვდები ისტორიულ ადგილებსა და თანამედროვე არქიტექტურას. სწორედ ამიტომ, 2026 წელსაც ქალაქი მრავალ საინტერესო კულტურულ ღონისძიებას უმასპინძლებს და სტუმრებს განსხვავებულ გამოცდილებას შესთავაზებს.
